ADPU-nun Quba filialının direktorundan nümunəvi addım


Məlum olduğu kimi mövcud pandemiya vəziyyəti ilə əlaqədar olaraq təlim, tədris prosesi internet üzərindən onlayn formada həyata keçirilir. Təbii ki, bu dərslərə tələbələrin əksəriyyəti qoşulsa da bəzi tələbələr bu və ya digər səbəblərdən internetə çıxış imkanları olmadığından, onlayn dərslərə rahat qoşula bilmirlər. Bu durumda olan tələbələri düşünən filial direktoru dosent Yusif Alıyev daha bir ilk və nümunəvi addım atıb.
EDUXEBER.AZ xəbər verir ki, Yusif Alıyev smartfonlarında internet balansı olmayan tələbələrin siyahısını hazırladaraq, onların onlayn dərslərə qoşulması üçün internet balanslarını artırmaq məqsədilə özünün aylıq maaşından 400 manat ayırıb. Belə ki, artıq filailın qeydiyyata alınmış 100-ə yaxın tələbəsinə internet paketi yüklənilməsi işinə başlanılmlşdır. Onun bu nəcib təşəbbüsü tələbələr və dərs deyən müəllimlər tərəfindən böyük rəğbət və təqdirlə qarşılanıb.
Yusif Alıyev bildirib ki, təhsilə, tələbəyə qoyulan kapital itmir, nə zamansa bu dövlətə, cəmiyyətə öz töhfəsini verəcəkdir. Biz də inanırıq ki, bütün gücünü səfərbər edərək tələbələrimizin yüksək təhsil almasına yönəldən hörmətli direktorumuzun ümidləri doğrulacaq və bu tələbələrimiz yüksək ixtisaslı kadrlar kimi doğma Azərbaycanımızın dörd bir yanında öz şərəfli peşələrini layiqincə yerinə yetirəcəklər. Biz də bununla qürur duyacağıq.